M-78星雲農民曆
會員登入
帳號:

密碼:

記住我



忘記密碼?

現在註冊!
流量統計
在線統計

垃圾歸邊 葉偉強 - 香港新聞 | 2017-05-21 | 人氣:44
民建聯周浩鼎和特首梁振英被指「打龍通」,直接向UGL調查委員會提交梁特修改過的文件,周最終跪低,宣布辭去委員會職務。不少建制派議員都在立法會內務委員會中,倒戈批評周浩鼎。自由黨榮譽主席田北俊昨日凌晨於fb分享相關報道,疑似爆粗留言指「前有春嬌打救志明,今有CEO_CE打9周浩鼎」,又加上「#春嬌志明第四集」及「#殺鼎鼎」等標籤。
帖文一出已獲逾3千多個讚好,網民紛紛讚揚田少幽默,指他「抽水」力度如常強勁。有網民留言指「田少好少可爆粗喎」,但亦有人替田少解畫「打救又點會係粗口呢」。
田少在事件爆發後,曾在本周初於fb發帖,暗寸周浩鼎枉為律師,「依家考律師一定易過考BCA」,又謂「醒少少都做唔到梁粉」。

【網民點睇】
Ree Siuhin Yip:支持鼎鼎啊…最好做埋民賤聯主席…咁就亡黨有望喇
Thomas Cho:田少抽得好,鼎犯咗大錯,應該即時革職啦
Issac Chu:田少果真抽濕機但你黨友亦不惶多讓提出地底主權不屬香港真厲害
Albert Chan:田生,你幾時打9你地個副主席?

為通鼎醜聞轉移視線689死咬梁繼昌 促辭職

■梁振英昨於活動指梁繼昌任委員有身份衝突。

周浩鼎
梁振英被揭私通民建聯周浩鼎後,雖然周浩鼎已辭去立會調查UGL事件專責委員會職務,但事件另一主角梁振英仍然死撐,繼續向委員會成員梁繼昌開火,揚言過去一、兩日不斷翻查梁在社交網的發文,聲稱「發現」梁繼昌兼具報案人、主控官、陪審員3個角色,有身份衝突,逼梁繼昌辭去委員職務,又批評挺梁繼昌是雙重標準。民主派質疑梁振英不斷針對梁繼昌,懼怕梁參與UGL調查工作,追究他的稅務問題。
記者:呂浩然
周浩鼎、梁振英私通,修改調查UGL事件專責委員會研究範疇近一星期,周面對猛烈批評下辭職,但梁振英至今仍拒認錯,昨日分別以網誌及親身上陣,要逼民主派委員、同時是被梁振英控告誹謗的梁繼昌辭職,而梁在一個星期內,已4度針對梁繼昌開火。
梁振英昨早先在社交網發文,指梁繼昌既是報案人,又做主控官,更是陪審員,有角色衝突,認為梁繼昌要辭職,到下午他出席一活動後,再向梁繼昌開火,聲稱「過去一、兩日,我不斷翻查梁繼昌喺網上嘅facebook」,發現梁繼昌除了屬誹謗案被告有角色衝突外,更有其他問題不宜出任委員,指梁繼昌於2014年10月在社交網站留言表示,已去信要求稅務局局長調查UGL事件,然後又致電稅局局長追問,結果稅局局長回信稱,稅局不會向第三者披露稅務細節,故此梁繼昌是UGL事件的「報案人」兼「主控人」。 梁振英又強調,梁繼昌明知自己不會知道稅局有否調查他,但仍然要在立會成立專責委員會調查事件,「使得我成為在香港社會、在國際層面,被立法會調查的一個人,這個是十分不公道的」。繼而咬定梁「本身已有一個既定立場」,再任委員就是「做咗報案人、做咗主控官,因為佢係呈請人、之後佢要繼續做陪審員,呢個係違反公義」。

民主派:佢先係雙重標準
梁振英又批評民主派「用咁嘅尺度認為周浩鼎要辭職,而周浩鼎亦已辭職,我哋應該用同樣嘅尺度嚟去度梁繼昌」,指民主派護短及有雙重標準,並揚言民主派尊重委員會公信力、每位委員在港人心目中的形象的話,「我相信梁繼昌議員,佢係冇其他選擇,佢必須辭職」。
委員會成員、民主黨林卓廷反駁梁振英稱,立會法律顧問早已「睇過晒」專責委員會的工作,「我哋(委員會)每個成員只要忠實履行職務,其實之前嘅輿論或者政見唔影響到我哋做呢個職務」,正如很多建制派議員曾經提名、支持梁振英角逐特首,「用佢(梁振英)個邏輯嘅話,其實全部人都唔做得(委員)嘅」,認為梁振英才是雙重標準。林卓廷又質疑,梁振英極力要梁繼昌離開委員會,「我唔知道係唔係佢(梁振英)好擔心佢(梁繼昌)喺度」,「佢(梁振英)似乎好擔心Kenneth(梁繼昌)喺個委員會嘅角色,尤其佢(梁繼昌)跟進(梁振英)稅務方面嘅角色」。記者至截稿前未能接觸梁繼昌回應。

來源轉自:
【2017年05月21日訊】
(注意:帖內文或圖片中可能含有厭惡性簡體字;本站維護中華文化,堅決行使正體字。版權歸著者所有。所有評論非本站立場,有疑似影射幸勿對號入座。)
【其他.相關】:
☆共產黨必亡☆
網友個人意見,不代表本站立場,對於發言內容,由發表者自負責任。
發表者 樹狀展開
主選單
Powered by XOOPS © 2001-2014 The XOOPS Project